Пасля Вялікага посту, які трываў 40 дзён, каталіцкія вернікі сустрэлі ўваскрослага Хрыста. Святочныя Імшы на світанні адбываліся сёння па ўсёй краіне. Як прайшла рэзурэкцыйная працэсія і святая Імша ў касцёле святых апосталаў Пятра і Паўла ў Мядзведзічах, глядзіце ў нашым фотарэпартажы.
Вялікдзень — гэта галоўная хрысціянская ўрачыстасць. Для вернікаў яна мае значэнне пераходу да лепшага жыцця. Падчас яе адзначаецца успамін уваскрасення Езуса Хрыста, а назва паходзіць ад таго, што гэты дзень для хрысціянаў стаў вельмі важным і сапраўды вялікім.
Касцёл свв. апосталаў Пятра і Паўла ў Мядзведзічах, Ляхавіцкі раён
Святкаванне ўрачыстасці ў многіх святынях распачынаецца з рэзурэкцыйнай працэсіі. Вернікі абыходзяць касцёл тры разы, молячыся і спяваючы песні.
Пасля працэсіі адбываецца ўрачыстая святая Імша.
Марына Валасар, фота аўтара